თარიღი: მაი 4, 2017, 19:58

image
loading...
საქართველოს ფეხბურთის ფედერაცია და კოკა-კოლა ბავშვებს შორის ყოველწლიურ გათამაშებას „კოკა-კოლას თასს“ იწყებს. ტურნირი, რომელიც გასულ წელსაც ჩატარდა, ბავშთა ფეხბურთის ხელშეწყობასა და ჯანსაღი ცხოვრების წესის პოპულარიზაციას ისახავს მიზნად.

მიხეილ მესხის სახელობის სტადიონის მედია ცენტრში კოკა-კოლას თასი 2017-ის თბილისის რეგიონული ეტაპის წილისყრა გაიმართა. შეჯიბრზე თბილისის ყველა რაიონიდან 2003-2004 წლებში დაბადებულ ვაჟთა და 2002-2004 წლებში დაბადებულ გოგონათა გუნდები მიიღებენ მონაწილეობას. ტურნირის პირველი ეტაპი 10-დან 27 მაისის ჩათვლით ჩატარდება.

გამარჯვებულ ვაჟთა ხუთი და გოგონათა ერთი გუნდი კვარიათში გაემგზავრება და სხვა რეგიონების გამარჯვებულებთან ორთაბრძოლაში გაარკვევს ქვეყნის უძლიერესი გუნდის ვინაობას.

საქართველოს ფეხბურთის ფედერაციის ინიციატივით „კოკა-კოლას თასი“ 2016 წელსაც ჩატარდა და ტურნირის საბოლოო ეტაპზე ვაჟთა 11 და გოგონათა 5 გუნდი მონაწილეობდა. წელს ეს რიცხვი გაიზარდა და ამჯერად, საბოლოო ეტაპზე ვაჟთა 20 და გოგონათა 12 გუნდი იასპარეზებს.

გასულ წელს გათამაშებაში მთელი ქვეყნის მასშტაბით 1000-ზე მეტი სკოლის 10000-მა მოსწავლემ მიიღო მონაწილეობა.
скачать dle 10.5фильмы бесплатно
  • 5-05-2017, 02:43
FaceBook Twitter Google
loading...

კომენტარის დამატება

    loading...